Тропа́рь благове́рному кня́зю Яросла́ву, глас 4:
у́дростию Бо́жией свы́ше просвеща́емый, / Ду́хом Святы́м озаря́емый, / Христа́ всем се́рдцем возлюби́вый, / дела́ земни́и во сла́ву Его́ му́дро устро́ивый, / храм Софи́и Прему́дрости Бо́жией во гра́де Ки́еве созда́вый / и па́ки ди́вный град Яросла́вль на реце́ Во́лзе основа́вый, / му́дрым до дне сего́ в наро́де велича́ешься, / благове́рный кня́же Яросла́ве, // моли́ Христа́ Бо́га, дарова́ти нам мир и ве́лию ми́лость.
Конда́к, глас 4:
те́ческаго престо́ла насле́дниче, / апо́стольских преда́ний ревни́телю, / земли́ Ру́сския собира́телю, / Це́ркви Христо́вой утверди́телю, / хра́мов Бо́жиих му́дрый созида́телю, / наро́ду на́шему благоче́стный прави́телю, / ты вои́стину нам Бо́жие благослове́ние яви́ся, / святы́й благове́рный кня́же Яросла́ве, // моли́ся непреста́нно о душа́х на́ших.
Велича́ние:
Велича́ем тя, / святы́й благове́рный вели́кий кня́же Яросла́ве, / и чтим святу́ю па́мять твою́, / ты бо мо́лиши о нас // Христа́ Бо́га на́шего.
Моли́тва
святы́й богому́дрый кня́же Яросла́ве, ты в житии́ свое́м во́лю Бо́жию пости́гл еси́, и вся За́поведи Христо́вы ве́рно исполня́я, чистоты́ серде́чной дости́гл еси́, испроси́ нам у Го́спода сию́ доброде́тель, да и мы у́зрим Бо́га в тишине́ серде́ц на́ших. Еще́ же, мо́лим тя, о́тче блаже́нне, умоли́ Го́спода дарова́ти ве́ру кре́пкую, любо́вь нелицеме́рную на спасе́ние душ на́ших. Це́рквам благостоя́ние, хра́му в честь и́мени твоего́ во гра́де твое́м созида́нию, архиере́ем му́дрость и си́лу, па́стырем ре́вность о спасе́нии пасо́мых испроси́, мона́шествующим дух смире́ния и послуша́ния, наипа́че же моли́твеннаго преуспе́яния, да просла́вим еди́ными усты́ Пода́теля всех благ, Го́спода на́шего, в Тро́ице су́ща во ве́ки. Ами́нь.
(1166)