Служба Ярославской иконе Божией Матери

Тропа́рь Яросла́вской ико́не Бо́жией Ма́тери, гла́с 4:

аре́ благода́тная Яросла́вския земли́ / дре́вле яви́ла еси́ ико́ну Твою́ пречестну́ю / о, Ма́ти, Засту́пнице ро́да христиа́нского, / е́юже и ны́не просвеща́еши тьму ве́ка сего́, // и ту́гу люде́й Твои́х утоля́еши.

Конда́к, гла́с 3:

несь све́тло лику́ет и весели́тся град Яросла́вль, / я́ко сла́ва Твоя́, Влады́чице, / на нем возсия́ честна́го о́браза Твоего́ принесе́нием, / им же скорбь и ту́гу люде́й христоимени́тых утоля́еши // и умиле́нием ду́ши на́ша исполня́еши.

Велича́ние:

Велича́ем Тя, / Пресвята́я Де́во, / Богоизбра́нная Отрокови́це, / и чтим о́браз Твой святы́й, / и́мже то́чиши исцеле́ния // всем с ве́рою притека́ющим.

Моли́тва

Пресвята́я Де́во, ма́ти Го́спода вы́шних сил, небесе́ и земли́ Цари́це и гра́да Яросла́вля всемо́щная Засту́пнице! Приими́ хвале́бное пе́ние сие́ от нас недосто́йных раб Твои́х, и вознеси́ моли́твы на́ша ко престо́лу Бо́га Сы́на Твоего́, да ми́лостив бу́дет непра́вдам на́шим и проба́вит благода́ть свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от него́ поми́лованы бы́ти, а́ще не Ты уми́лостивиши Его́ о нас, Влады́чице, я́ко вся Тебе́ от Него́ возмо́жна суть. Сего́ ра́ди к Тебе́ прибега́ем, я́ко к несомне́нней и ско́рей Засту́пнице на́шей, и Тебе́, я́ко всемогу́щей Помо́щнице, са́ми себе́ и друг дру́га и всю жизнь на́шу по Христе́ Бо́зе предае́м, ны́не и при́сно и во ве́ки веко́в. Ами́нь.

(1053)